Solicitamos aos grupos do Porrinho localizaçom alternativa para o centro de ACEESCA

Após ter conhecimento polos meios de comunicaçom de o governo municipal do Porrinho tencionar ceder umha parcela de 8.000m² do Polígono das Gándaras a ACEESCA para construir um centro no que desenvolver um projeto de formaçom dual e emprego, a associaçom ambientalista Verdegaia comunicou polo registro municipal a todos os grupos políticos que:

  1. A parcela fai parte da antiga Lagoa de Budinho. Até o ano 2007 estava incluída no Lugar de Importância Comunitária das Gándaras de Budinho com o que atualmente limita. Inicialmente também fora catalogada como Solo Rústico de Proteçom de Espaços Naturais no PGOM municipal.
  2. A parcela está ocupada polo Habitat Prioritário “bosque aluvial de amieiros” catalogado com a máxima proteçom da Uniom Europeia segundo a Diretiva 92/43/CEE (habitat 91E0 florestas aluviais de Alnus glutinosa e Fraxinus excelsior Alno-Padion, Alnion incanae, Salicion albae) *.
  3. Ao tempo, é lugar de presença habitual do sapoconcho comum (Emys orbicularis) catalogado em perigo de extinçom no Catálogo Galego de Espécies Ameaçadas (Decreto 88/2007) quem conta com um Plano de Recuperaçom (Decreto 70/2013). A conservaçom e melhora da populaçom das Gándaras de Budinho resulta necessária para contribuir a garantir o futuro desta espécie no ocidente peninsular.
  4. A parcela está definida como Zona de Fluxo Preferente das águas pola Confederaçom Hidrográfica Minho-Sil e como Zona de Policia do Domínio Público Hidráulico.
  5. A parcela é atravessada na sua estrema com a estrada do polígono polo Caminho Português a Santiago.

A comunicaçom finalizava com a solicitude da procura dumha localizaçom alternativa para o centro de ACEESCA e a conservaçom no seu estado natural de todas as parcelas do Polígono das Gándaras que aínda nom forom aterradas, propondo a sua inclusom na Rede Natura 2000 dentro da Zona de Especial Conservaçom das Gándaras de Budinho.

Infelizmente, o passado dia 28 o Pleno Municipal aprovou por unanimidade a cessom da parcela a ACEESCA e a “adequaçom” da mesma pola Cámara Municipal.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s