ADENCO solicita aos Concellos do Condado a súa implicación na loita contra os herbicidas

OLYMPUS DIGITAL CAMERAO Grupo Ecoloxista ADENCO ten presentado por rexistro nos concellos da Comarca do Condado escritos nos que se lle solicita aos Concellos a súa implicación na loita contra a aplicación de herbicidas. Neste senso, o Grupo Ecoloxista indícalles os Concellos que lle soliciten ás autoridades con competencias nas estradas nas que se está aplicando herbicidas que suspendan as aplicacións e que, a partires de agora, empreguen métodos alternativos aos químicos, como por exemplo o desbroce mecánico.

Nos escritos ADENCO solicita tamén que os Concellos da Comarca verifiquen o cumprimento da lexislación vixente no tocante á aplicación de herbicidas, definida polo Real Decreto 1311/2012, de 14 de setembro, polo que se establece o marco de actuación para conseguir un uso sostible dos produtos fitosanitarios. Concretamente a existencia de distancias mínimas aos puntos de extracción de auga para consumo humano, a existencia de ventos elevados nos días de aplicación e se se respetou a banda de seguridade mínima, con respecto ás masas de auga superficial.

O Grupo ADENCO está tratando de sensibilizar sobre os impactos dos herbicidas na saúde e no medio ambiente. Nese senso, varios concellos do Condado xa teñen acordado en Pleno, a proposta de ADENCO, prohibir o uso dos herbicidas en todo tipo de lugares públicos do municipio, e substituír estes produtos por métodos mecánicos e/ou biolóxicos non contaminantes, que non danan a saúde nin o medio ambiente.

ADENCO continuará denunciando a aplicación de herbicidas e propondo outros métodos menos contaminantes e máis respectuosos co medio ambiente e coas persoas.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s