Este sábado, 30 de xullo do 2022, de 21:30 a 00h, gustaríanos compartir con vós unha xornada para observar as nosas queridas vacalouras. Visitaremos un dos 14 percorridos que temos en Galicia para o Seguemento Europeo da Vacaloura (European Stag Beetle Monitoring Network) e desfrutaremos das vacalouras que se acheguen, ademáis de desfrutar de vagalumes, morcegos e aves nocturnas.

A xornada é de balde e abertas ao público. Así e todo, para a participación é imprescindible a reserva de praza (inscrición previa) a través do formulario habilitado.

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza na actividade ata non recibir confirmación por parte do G.N.Hábitat a través do correo electrónico achegado.

Todos os participantes que sexan confirmados vía email contarán cun seguro de accidentes e responsabilidade civil durante o desenvolvemento da xornada, e recibirán a información e recomendacións que sexan precisas para poder gozar da actividade.

Prégase seriedade e compromiso na asistencia ás actividades. Se unha vez confirmada a túa praza non puideras acudir, infórmanos da situación á maior brevidade posible, farás que outra persoa poda gozar da xornada.

Dúbidas e comentarios en inscricion@gnhabitat.org│981 135 014

Anímate e ven connosco!