O vindeiro venres, 25 de novembro, o G.N.Hábitat participará nas “Xornadas de eco- deseño para paisaxes resilientes” que organiza a Escola Galega da Paisaxe Juana de Vega, co patrocinio da Deputación da Coruña. Unhas xornadas formativas dirixidas principalmente a profesionais que desenvolvan a súa actividade no eido do deseño, execución e xestión de espazos públicos, técnicos municipais e estudantes, enfocadas ao eco-deseño, levando os criterios da infraestrutura verde á escala de detalle co obxectivo de acadar que as nosas paisaxes sexan máis resilientes fronte á crise climática, mellorando os servizos ecosistémicos que prestan.
Toda a información sobre estas xornadas pode consultarse na seguinte ligazón:
Federación Ecoloxista Galega 