ADEGA pide a colaboración cidadá para evitar que o lixo de ´La Vuelta´dane Os Ancares

Lixo-AngliruEventos deportivos como as carreiras ciclistas adoitan concentrar a numerosas persoas afeizoadas nos puntos máis sobranceiros do percorrido, nomeadamente na chegada. Esta concentración de público, medios e toda a parafernalia organizativa e comercial asociada, adoita xerar importantes cantidades de refugallos, aliás de ruidos e outras molestias.

Ao tratarse de eventos puntuais, os impactos derivados da presión turística sobre a natureza non permanecen, mais sí os residuos (fundamentalmente plásticos) que nunha competición como “La Vuelta” poden chegar a supoñer até 5 toneladas por tirada.

Este ano a carreira ciclista española ten novamente varias xeiras no noso país. A xornada do vindeiro sábado 13 transcorrerá entre a Ribeira Sacra e Os Ancares, dous espazos protexidos de inmenso valor natural e patrimonial. Especial atención merece a fin da tirada no Alto dos Ancares, unha contorna de montaña pertencente á Rede Natura 2000 e fogar do oso pardo cartábrico, un dos mamíferos máis ameazados de Europa e considerado en perigo de extinción.

En ADEGA apelamos á sensibilidade da organización da carreira e das institucións colaboradoras para evitar que este evento acabe repercutindo sobre o patrimonio natural (paisaxe, hábitats e especies) e cultural destes valiosos espazos. É fundamental tamén que os e as visitantes contribúan á conservación destes valores mediante unha conduta responsábel que evite danos á natureza. Seguir as recomendacións da organización, reducir o volume de lixo xerado e xestionalo adecuadamente resulta chave para que Os Ancares non remate sendo un vertedoiro.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s