O CES organizou unha xornada de control de plantas alóctonas na Duna de Baltar

IMG-20160618-WA0017_resizedO pasado sábado 17 de xuño ás 10h na praia de Baltar, en Portonovo, déronse cita un grupo de voluntarios do Colectivo Ecoloxistado Salnés para arrincar exemplares de Herba da Pampa , unha planta exóticas invasoras que están a desplazar a flora (e fauna) propia do lugar.

Comentar que esta actividade contou coa pertinente autorización do Servicio de Costas. Así mesmo, o Concello de Sanxenxo colaborou co CES facéndose cargo do traslado e xestión das plantas extraídas así como aportando luvas e material de traballo.

Dende o CES levamos máis de 10 anos insistido ao Servizo de Costas para que rexenere todo o espazo dunar secundario de Baltar. Hai 10 anos, a zona máis próxima a Portonovo da duna foi aplanada e recuberta de xabre para facer alí as festas. Despois de moitas reivindicacións do CES, comezouse a rexenerar no ano 2007 por parte do Servizo de Costas. Dita rexeneración consistiu en botar area na zona e darlle certa forma dunar. Pero o paso seguinte, que sería replantar con especies de duna secundaria, que axudaría a unha máis pronta recuperación da paisaxe dunar, máis nunca se chegou a facer.

Mentres tanto, na devandita zona foron aparecendo plantas dunares espontáneamente que con éxito a van colonizando e asentando cada vez máis. Sen embargo tamén están a medrar exemplares de Herba da Pampa , coñecida como tamén como plumóns (co nome científico de Cortaderia selloana). Esta planta está catalogada como unha das EEI (especies exóticas invasoras) máis perigosas para a flora endémica de Galicia e España. Unha vez que medra o suficiente, bota gran cantidade de sementes e rizomas que fan moi difícil a súa erradicación,. Ademais, debido a que a zona aínda está pouco colonizada por outras plantas, a expansión da Herba da Pampa pode ser aquí moi rápida.

Un plan de control desta especie precisa de varias e sucesivas campañas para intentar controlar o espallamento destas plantas. Nesta materia a Administración pouco está a facer, e por ilo os voluntarios do CES xa leva organizado tres campañas en Baltar similares ás de hoxe, como unha actividade de voluntariado pero tamén reivindicativa, decidindo retiralas nós memos e reclamando a necesidade do coidado e rexeneración completa da duna en Baltar.

Destacar que se seguiu o protocolo de eliminación de EEI, intentando facelo co máximo coidado posible, para non pisotear as plantas propias das dunas e coas máximas medidas de control na súa eliminación (do que se fai cargo o Concello).

Durante a xornada de hoxe, na que se arrincaron 30 exemplares de herba da pampa, estiveron presentes a concellala e a técnica da área de Medio Ambiente do Concello. Con elas conversouse sobre a problemática dos danos por desbroces na zona dunar de Baltar, valorándose outras alternativas á corta menos agresivas coa fora dunar.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s