Neste mes de xuño continuamos cos nosos Encontros Naturalistas, aproveitando para aprender que debemos facer se nos atopamos un animal ferido na nosa contorna. O relatorio virá a cargo do compañeiro e colaborador de Hábitat Pablo R. González Novoa, Biólogo e Técnico de Centros de Recuperación de Fauna Silvestre. Actualmente traballa no Centro de Interpretación de Avifauna, onde participa en programas de conservación de diferentes especies, destacando o da Pita do Monte (Tetrao urogallus). 

A xornada, de balde e aberta ao público, terá lugar o vindeiro xoves 29 de xuño ás 20:30h no noso local social. Así e todo, é imprescindible a reserva de praza (inscrición previa) a través do formulario habilitado:

Acceso ao formulario de inscrición

As prazas son limitadas. Os socios do G.N.Hábitat terán preferencia para a participación na xornada. En calquera caso seguirase unha rigurosa orde de inscrición ata completar o máximo de participación. O feito de cubrir o formulario non asegura praza na actividade ata non recibir confirmación por parte do G.N.Hábitat a través do correo electrónico achegado.

Prégase seriedade e compromiso na asistencia ás actividades. Se unha vez confirmada a túa praza non puideras acudir, infórmanos da situación á maior brevidade posible, farás que outra persoa poda gozar da xornada