A Confederación Hidrográfica multa novamente ao concello de Ponteareas polas obras de restauración da senda do Tea

O Grupo Ecoloxista ADENCO ten recibido fai uns días notificación da nova sanción imposta ao Concello de Ponteareas polas obras de restauración da senda do río Tea. Estas actuacións, denunciadas por ADENCO en decembro de 2016, foron realizadas, segundo consta na Resolución, sen autorización administrativa da Confederación Hidrográfica do Miño-Sil. A presente sanción ao Concello de Ponteareas, que ascende a 3.740 euros, prodúcese por ocupación sen autorización do cauce do Tea mediante dúas escolleiras en dominio público hidraúlico, causando danos, así e como por realización de obras sen autorización administrativa. Na mesma Resolución establécese a obriga de restituír as cousas ao seu primitivo estado, retirando as dúas escolleiras realizadas, no prazo de 15 días.

A Confederación advirte ao concello de Ponteareas

Na Resolución, a Confederación advirte ao concello de Ponteareas que se absteña de realizar calquera traballo na zona de protección de cauces sen dispor de autorización pois en caso de apertura dun novo expedinte sancionador poderá ser tida en conta a continuidade infractora como circunstancia agravante da responsabilidade.

Esta multa súmase a unha secuencia de multas derivadas de actuacións nas beiras do Tea sen autorización ou incumprindo as condicións autorizadas. Así, existe outra multa previa recente derivada das mal chamadas obras de restauración da senda. Concretamente a outra sanción ao Concello de Ponteareas foi por apertura de camiño xunto ao Castro da Croa sen autorización da Confederación. No mesmo senso, se teñen producido outras multas similares nestes últimos anos.

Desde ADENCO considérase que este é o enésimo exemplo de como malgastar e despilfarrar os recursos económicos en tempos de crise e de como xerar impactos ambientais a partir da acción da administración pública. Certamente, desde a creación das sendas tense afectado aos hábitats prioritarios do espazo protexido inserido na Rede Natura 2000 e ás especies de maior interese. E agora as multas xa veñen derivadas das actuacións de restauración das sendas. ADENCO lembra que os impactos van continuar, xa que a senda do Tea, tal e como ten denunciado ADENCO en múltiples ocasións, está feita nas áreas inundables do curso fluvial, polo que cada pouco tempo as enchentes reclamarán o terreo que pertence ao río.

ADENCO continuará defendendo e divulgando o patrimonio ambiental e cultural existente no río Tea. Nese senso, como ten feito desde o comezo das obras no ano 2013, o Grupo Ecoloxista denunciará calquera actuación agresiva co espazo protexido e volta a esixir responsabilidades polo continuado malgasto de recursos públicos en actuacións nas áreas inundables do río Tea.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

w

Conectando a %s