Ao Comité de Empresa de ENCE

De acordo co recollido nos medios de comunicación, os Comités de ENCE, regresaron de Madrid despois de entregar un “dossier” onde explicaban a repercusión económica da empresa na nosa comarca e a imposibilidade do seu traslado. Deixando de lado que falan de 409 postos de traballo directo na fábrica, cando a propia ENCE na “declaración medioambiental” de 2017 afirma ter un total de 309, non consta que foi o que lle respostaron na Moncloa a este particular; en calquera caso, non semella que estean moi en sintonía ambas delegacións porque o PSOE mantén en pé a oferta de mesa de negociación para trasladar a fábrica.

Entendemos a preocupación das persoas que traballan en ENCE porque poden ver en perigo os seus empregos; entendémola aínda que non a poidamos compartir, xa que unha cousa é defender o dereito ao traballo e outra ben distinta defender, como fan eles, os seus postos de traballo concretos, uns postos de traballo que -por ser incompatíbeis cos de moitas outras persoas e co medio ambiente- non son defendíbeis. Pero é que, ademais, actúan como verdadeiros defensores da empresa, dos seus intereses particulares fronte aos dereitos da maioría da poboación; defenden o interese de ENCE por quedar en Lourizán mesmo a costa de poder perder o seu emprego; porque a dirección de ENCE non vai ter en conta esa pelexa cando decida, no momento en que o queira facer, reducir o número de postos de traballo como ten feito en moitas ocasións (así o recoñece CC.OO. en distintas denuncias).

En calquera caso, están no seu dereito de facer o que queiran; iso si, non todo vale! Non se pode dicir que ENCE non contamina e que quen contamina é a depuradora, afirmando -cando é falso- que así o recoñece o Tribunal da Unión Europea cando sanciona ao Estado español pola contaminación da Ría. Porque non é certo! A Unión Europea non sanciona pola contaminación por coliformes, como din; sanciona polo incumprimento da Directiva 91/271/CEE, que nada ten que ver coa contaminación microbiolóxica, senón coa contaminación por materia orgánica (DBO, DQO, SS,..) e -fundamentalmente- polo perigo de eutrofización dunha zona sensíbel como a nosa Ría, proceso no que a responsabilidade a teñen os vertidos de nutrientes (Nitróxeno e Fósforo); e neste tipo de contaminación ao que se refire a amentada directiva europea, teñen responsabilidade tanto os vertidos da depuradora como os de ENCE. E cando a Unión Europea sanciona, está a sancionar a todas as aglomeracións existentes na Ría, entre as que consideran, coma unha máis, á propia fábrica de ENCE.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s