Xubia-Castro: outro espazo protexido estragado polos eucaliptos

Fragas do Eume, Xistral, A Mariña, Careón, Macizo Central, Courel… os monocultivos de pirófitas, nomeadamente de eucalipto avanzan mesmo no interior destes espazos protexidos.

Plant-XC-1
Malia á recente aprobación do Plano Director da RN2000, determinadas actividades que comprometen a conservación do patrimonio natural destes valiosos espazos, quer as talas de bosque e mato autóctono para substituilo por plantacións de eucaliptos, seguen a acontecer con case total impunidade.

O último caso, que non o derradeiro, vén de acontecer na ZEC (Zona de Especial Conservación) Xubia-Castro, nos concellos de San Sadurniño e As Somozas. Unha plantación de eucaliptos de 20 hectáreas dentro do espazo protexido vén de substituir a un bosque caducifolio de ladeira e ao bosque de ribeira do fondo do val, hábitat este último considerado de conservación prioritaria pola Directiva 92/43CEE.

Incumprimento do Plano Director da RN2000

Esta actividade incumpre diversas disposicións e contravén os obxectivos de conservación para os bosques e zonas húmidas continentais fixados no Plano Director da RN2000 aprobado polo Decreto 37/2014, en concreto os seguintes artigos:

Artigo 46. Bosques
    2. Obxectivos de conservación.
b) Establecemento de medidas de control e erradicación de especies invasoras presentes nos hábitats boscosos, minimizando a súa presenza, tanto no interior das masas arborizadas como nos seus bordos.

5. Actuacións que poden afectar de forma apreciable o estado de conservación dos hábitats de interese comunitario.

l) As novas introducións, plantacións ou sementeiras que poidan xerar unha afección apreciable sobre a integridade do espazo natural, sobre a estrutura, funcionamento e composición taxonómica dos ecosistemas naturais boscosos de interese comunitario ou sobre as áreas prioritarias das especies de interese para a conservación.

Artigo 44. Zonas húmidas continentais
5. Actuacións que poden afectar de forma apreciable o estado de conservación dos hábitats de interese comunitario.

j) As novas plantacións que poidan xerar unha afección significativa sobre a integridade do espazo natural, sobre a estrutura, funcionamento e composición taxonómica dos ecosistemas naturais costeiros ou sobre as áreas prioritarias das especies de interese para a conservación, incluíndo especialmente a repoboación ou plantación de espécimes alóctonos con exemplares de Eucalyptus, Pinus, Pseudotsuga, Quercus rubra, etc.
 

Artigo 57. Usos forestais
i) Considéranse usos prohibidos:
1º) As cortas a feito ou a matarrasa sobre formacións arborizadas naturais e, especialmente, sobre aquelas incluídas dentro do anexo I da Directiva 92/43/CEE.

Dende ADEGA esiximos da Xunta máis rigor e compromiso coa conservación destes espazos: trátase do millor da nosa biodiversidade, un patrimonio inmenso estragado para maior gloria das multinacionais pasteiras.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s