Xornada ambiental na Torre de Hércules

Velaquí unha nova cita coa natureza! Da man do Consorcio de Turismo e Congresos da Coruña, e con motivo da celebración do Día Internacional dos Monumentos e Sitios, realizaremos unha nova xornada ambiental na contorna da Torre de Hércules. Desta volta descubriremos a diversidade de fauna e flora aquí presente, aproveitando o noso percorrer para facer unha retirada activa do lixo que nos atopemos. Un tempo para gozar desta fermosa contorna, falar da súa situación ambiental, e poñer un gran máis de area a prol da conservación deste Espazo Natural de Interese Local

A actividade terá lugar o vindeiro sábado 23 de abril, de 10:30 a 13:30h. A xornada é de balde e aberta ao público, así e todo, para a participación é imprescindible a reserva de praza (inscrición previa) a través do formulario habilitado:

As prazas son limitadas. Seguirase unha rigorosa orde de inscrición ata completar o máximo de participación. O feito de cubrir o formulario non asegura praza na actividade ata non recibir confirmación por parte do G.N.Hábitat a través do correo electrónico achegado.

Todos os participantes que sexan confirmados vía email contarán cun seguro de accidentes e responsabilidade civil durante o desenvolvemento da xornada, e recibirán a información e recomendacións que sexan precisas para poder gozar da actividade.

Prégase seriedade e compromiso na asistencia ás actividades. Se unha vez confirmada a túa praza non puideras acudir, infórmanos da situación á maior brevidade posible, farás que outra persoa poda gozar da xornada.

As actividades e os participantes nas mesmas respectarán as medidas que fosen establecidas pola autoridade competente, no marco da situación de emerxencia sanitaria derivada da COVID-19.

Dúbidas e comentarios en inscricion@gnhabitat.org│981 135 014

Anímate e ven connosco!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s